“Мектеп лигасы” долбоорунда спорттун волейбол түрүнөн республикалык мелдеште балдар арасында Өзгөн райондук билим берүү бөлүмүнө караштуу № 66 Адибай Маматов атындагы орто мектебинин командасы 1-орунга жетишип Казакстан Республикасына жолдомо алган.
2023-жылдын 25-28-июнь күндөрү өткөн Алма-Ата шаарында Эл аралык “Мектеп лигасы” долбооруна катышып, № 66 Адибай Маматов атындагы орто мектебинин командасы Алтын медалга жана 1-даражадагы дипломго ээ болуп Кыргыз Республикасынын наамысын коргоп келишти.
