17-августа Кыргыз Республикасынын Министрлер Кабинетинин “Мектепке чейинки билим берүү чөйрөсүндө ишкердик, ишти өнүктүрүү жана балдарды мектепке чейинки билим берүү менен камтууну көбөйтүү боюнча чаралар” жөнүндө №279 токтомун жетекчиликке алып Өзгөн районунда үч бала бакчанын ачылышы болду. Ага район жетекчиси Ш.Абыкаев жана орун басары Р.Мырзакулов ошондой эле райондук билим берүү бөлүмүнүн жетекчиси А.Асанбаев катышты.
Ак-Жар айыл аймагынын Ак-Жар айылындагы Жаңыбаева Салимбү Артыковнанын жеке менчигиндеги турак жайын 60 орундуу бала бакчага ыңгайлаштырып, “Токтосун Ата” атындагы бала бакча,
Кароол айыл аймагынын Шералы айылынын Комплекс участкасындагы Макеева Перизат Данияровнанын жеке менчигиндеги турак жайын ыңгайлаштырып, “Досмат” атындагы балдар бакчасы 80 орунга ылайыкташтырылып ишке берилди.
Ошондой эле Көлдүк айыл аймагында Шамал-Терек айылында «Токтайым эне» атындагы муниципалдык менчиктеги 50 орунга ылайыкташтырылган бала бакчанын ачылышы болду.Бала бакчанын имараты Бүткүл дүйнөлүк жаштар ассамблеясы тарабынан курулган.